可憐的帶喜！

我家帶喜被驗出尿道有晶石，痾唔到尿，
需要留院觀察，今日我帶佢睇完醫生真係好想喊！
可憐嘅喜喜只得歲半，點解要咁唔好彩？
佢係喺一個好差好差好差好西好西好西嘅人屋企誕生，
我第一次見帶喜佢一身都係癬，好瘦好瘦，
呢個西主人仲教我用隻腳踩住隻貓條頸嚟幫佢哋剪指甲，
oh my god！簡直係痴線！佢根本無視小動物嘅生命！
所以我帶咗帶喜離開呢個地獄同魔鬼！
喜喜被我養得肥肥白白，活活潑潑，一直都相安無事，
點知今日又尿道有晶石，點解一隻咁可愛嘅小貓咪要受咁多苦？
希望喜喜早日康復！健健康康！惡運從此離佢而去啦！