YELLOW

styling by catherine cheung

變態掟屎狂徒！

我住嗰棟大廈發現變態掟屎狂徒！
好人好姐又點會掟屎落街呢？
貪玩都唔好搵屎嚟玩吖！
呢個世界真係乜人都有！

p.s.希望變態掟屎狂徒能夠早日收手啦！

四激咭！

想當年，我買我生平第一張1GB嘅compact Flash card，
係要七，八百蚊一張，
今日，我買呢兩張4GB嘅Compact Flash card，
只需要九百四十蚊港圓！
一年時間嘅改變真係可以好大㗎！

全天然貓鑵頭

呢隻係近排發現嘅好味貓糧，
雖然隻隻貓食品都話佢係全天然嘢，
但呢隻真係唔同，
一開鑵就見到一條條嘅雞肉加埋一粒粒嘅南瓜粒，
同人食嘅食物冇分別，不過我試過少少，
係冇乜味嘅，
但係就食到我家三寶停唔到，貓咪真係好幸福哦！
$17一鑵真係有啲貴！

styling at shek o

styling by bonnie yan

拋頭露面！

好高興同好多謝今日有幸得到由謝天華先生為我呢個blog表演一吓咩叫做拋頭露面，
多謝！多謝晒！............

乜能野呀!新蚊廢柴攝影佬--梁漢基--！

好勁！
小弟終於有幸能夠被捲入副刊小圈子之中，
本人覺得......好無聊，同好好笑！
最好笑嘅係有人話：“再能講咁能多o野我包你行落兆孚門口肯定唔會見o的o野.......“
究竟我唔會見到啲咩嘢呢？污糟嘢？
有冇人話到俾我知呢？
唔知我得罪咗邊位大哥大姐要用我真名嚟話我呢？
哈哈~！

p.s.喺小圈子落人真名，寫呢個post嘅人超級冇品！

副刊小圈子
http://www.voy.com/20421/

女孩子不等於食量少！

今日同咗同事B與舊同事N食咗個晚飯敘一敘，吹吓水，
三個人喺間美式餐廳叫咗一個沙律，一個意粉同一個pizza，
咪諗住一男兩女會食唔晒，先嚟一個沙律，再嚟一個意粉，
每人夾啲都差不多食晒，最後再嚟一個大pizza，
一個pizza分六份，每個人都食咗兩件，都冇話邊個食得多啲，
最後照晒鏡咁埋單閃！勁~！

女孩子的食量其實與男孩差不多，不要再看少女孩子的食量哦！