我要日日撈粗嘢！

探母親。

2010-12-27T22:47:00.003+08:00

好耐冇上嚟寫blog，因為好懶，冇咩好寫，唔知寫乜。
人生衝衝三十四年，高不成，低不就，但發覺人越大，經歷越多，思想越復雜。
平凡如此的我，沒有高低起伏，漸漸地已走上了人生道路的一半。

自妳身體出現問題之後至今，講真，冇乜幾多日真正開心過。
每一次妳要入院做甚麼手術做甚麼治療，我都覺得好心痛。
妳為我同家姐整生都在為口奔馳，最終得到的竟是腎病。
今日，妳再度入院，雖然唔係甚麼病情惡化，只係換換洗肚喉管拆拆之前洗血喉管的小手術。
躺在病床上，你只會關心我們甚麼擔心我們甚麼。
除了我們，妳還會擔心甚麼呢？

2010-06-30T17:46:00.000+08:00

茅盾叄拾肆

2010-06-07T16:48:00.008+08:00

三十四個年頭，說長不算；說短亦不可。
幹份牛工，做做外快，都只是高不成、低不就。比上不足、比下有餘。說富不是、說窮也不行。
有人說我一無是處、有人安慰說平淡是福。誰是誰非誰對誰錯？天曉得。
不知何年何月可日起，我的情緒與水平線無異。
曾有人說我如一杯清酒，看起來像一杯清水般平凡，但卻暗藏殺機。
哈哈哈....究竟是一杯清酒還是清水，我懶知，反正最終都是一下子倒進肚子裡去。

祝大家聖誕快樂！

2009-12-20T18:47:00.003+08:00

因為facebook的原故，近排超懶寫blog，抱歉！

又到聖誕，細佬喺度祝各位睇到呢個blog嘅朋友，聖誕快樂！身體健康！

另奉上一張小弟今年之生日聖誕禮物照，俾大家恨吓.......

2009-09-11T04:36:00.001+08:00

styling by bonnie yan

聽歌啦~~~

2009-08-15T01:11:00.004+08:00

近排冇乜mood寫blog，發生咗好多事，
唔想去理，唔想去諗。
聽首好歌，一首好好聽嘅歌，由一個把聲好好聽嘅人去唱

Found

2009-05-05T01:16:00.002+08:00

styling by bonnie yan

好笑~~

2009-04-05T03:57:00.001+08:00

哈哈哈哈哈哈哈~~~~~~~

究竟點解買寶麗來相機會係送西餅一打呢？

今晚又學識咗一樣嘢---「草泥馬」

2009-04-02T03:32:00.002+08:00

不能不佩服國內同胞的文化水平。

生咗仔嘅請睇，未生仔嘅都請你睇一睇，打算生仔而又未生仔嘅就必定要睇！

2009-04-01T00:31:00.008+08:00

繼日前學生地鐵月台公然捽波事件之後又一勁作.......
呢啲就係香港未來嘅主人翁？社會嘅棟樑？

呢個就係香港教育成功嘅好例子？

你可能覺得上述只係好極端或少數嘅例子，
但我深信呢個社會每一日都喺度發生緊類似或同樣嘅事情。
試諗吓如果你嘅仔或女喺呢個班房裡面上堂，你會有咩感想？
又如果被人打或打人嘅係你嘅仔女，你又會有咩感覺？
香港政府係咪應該好好諗吓點樣可以培育呢一代後生仔，
總好過勞師動眾去搞埋啲酒吧、麻雀館同夜總會禁煙、協助煙民戒煙而加煙稅之類嘅無聊事？
我唔反對生兒育女，
但真係懇請大家生仔/女之前好好諗清楚，
究竟呢個香港係咪仲適合我哋嘅下一代去生活呢？

酷玩~~Viva La Vida

2009-03-28T02:39:00.016+08:00

三月頭去咗睇jason mraz，但我真興趣不大，始終迷嘢會比較啱我(唔知收音機頭幾時會嚟香港開呢？)，所以三月尾嚟個＜酷玩＞先.......
位置相當不錯，係B區嘅第二排正中間.......

粗礦的Chris Martin.......

呢個時候我由前座變成了後座，我前面所有人全部企晒喺張櫈上面(包括伊麵哥哥)，好難得先影到呢張相.......

唱＜yellow＞嘅時候放出嘅黃色大汽球，唔知係咪上次用淨？(呢啲波撞咗我個頭幾嘢呀！)

現正籌備及期待七月頭麥小姐的演唱會。

煮嚟煮去都係嗰幾味~~

2009-03-16T02:20:00.004+08:00

清兵話食厭咗我煮嘅嘢，話我煮嚟煮去都得嗰幾味喎~~~
煮埋俾你食仲嫌三嫌四，唉~~煮個新嘢你食喇，咪煩！
醃蝦中.......
第一次整嘅香茅蝦。
嗱~~新嘢呀嗱，食啦~~~

飲勝~~~！

2009-03-08T23:41:00.004+08:00

近日發現在welcome有此好酒，故特介紹之~~~
HK$139.00有兩支，好飲！

2009-02-27T05:06:00.001+08:00

styling by catherine cheung

raying across the.......

2009-02-05T02:03:00.002+08:00

styling by bonnie yan

Quadrangle

2009-02-04T00:54:00.000+08:00

styling by catherine cheung

keep out from rust~~~

2009-02-02T23:28:00.004+08:00

styling by catherine cheung

新年煮煮煮~~

2009-02-01T23:14:00.009+08:00

好景不常，公司限定由一月起每人每一個月要放一個冇聲屁，
一班飯友們又話要食醉蝦，所以我年初四放屁嗰日就整定兩斤，
等初五同班飯朋酒友食開年飯飲開年酒時飲飽食醉.......
兩斤蝦HK$180.00，紹興酒用咗支本HK$35.00，淨係成本都要兩舊幾，拎出去賣都唔知開幾錢好？

人日又煮一餐，二人前，都係一般家常三餸便飯啦.......

祝大家牛年行個好運！身體當然要健健康康啦~~！

新年新玩具

2009-01-30T01:07:00.010+08:00

今日終於買咗夢寐以求嘅新玩具~~

擺佢喺廚房的確係好有型！

個售貨員話要搽啲生油上去過一晚夜會襟玩啲喎，塊針板！

除特價發售外，還送了這個.......

之後還買了這個.......

創意無限！勁！

2009-01-19T23:11:00.002+08:00

小弟在此向Goldenner致敬！

First fashion styling in 2009

2009-01-07T01:20:00.004+08:00

styling by bonnie yan

Don't break my heart

2008-11-10T04:47:00.008+08:00

一首我以前十分喜愛的歌。

三十二歲了！
經過咗三十二年磨練的我已變得無欲無求，
今年的生日願望，只希望我媽爸身體健康地長命百歲、
亦希望我愛的人和我愛的朋友們一切安好，
已經心滿意足了！
半醉的我上。

poladroid

2008-11-05T02:42:00.004+08:00

哈~！這個很好玩耶~！

食宵夜~

2008-10-20T03:36:00.003+08:00

冇放錯相，呢餐的而且確係18號晚凌晨點幾鐘食嘅宵夜，
兩個人食，埋單四舊！
仲貴過餐晚飯！

Bored

2008-10-20T03:19:00.001+08:00

styling by bonnie yan

back to nature

2008-09-16T03:25:00.006+08:00

styling by bonnie yan

有關facebook上疑似本人已婚之回應。

2008-08-30T22:56:00.005+08:00

近日經常遇到好友們異口同聲地問：「咿~你哋結咗婚喇？」
其實只係我一時手痕玩吓啫！
若果我真係結婚，點會唔通知大家先，係咪？

請大家伸出援手！捐錢救救西貢貓！

2008-07-17T03:12:00.013+08:00

一個沒有知識，不負責任和貪心的貓主(婆婆)，本以為將貓 b 賣給人收回利是 50 元一隻, 誰料到因環境惡劣,打理不週, 令到貓 b 半死不活, 屋內貓 b 的生存率很低。
現更揚言要將這班可憐貓貓放生，但一直生活在室內，又百病纒身的牠們，放生又怎能生存呢？
幸得一班愛心獨立義工將牠們救出火海，問題又是接種而來；牠們的去向和醫療費用將是一個沉重負擔，大家可以幫忙嗎？
請幫忙廣傳替這班貓貓尋找一個家，或請身邊的朋友捐助這班貓貓的醫療費用，我們”流浪貓屋”及這班獨立義工對各有心人仕致萬心無言感謝！

實在非常需要大家嘅幫助去繼續拯救行動

救助西貢貓的義工帶了 4 小 b (甲、乙、丙、丁) 及 BatMan 、查理回診所覆診,4 小 b 嚴重 cat flu, 特別是 (阿乙)。
"阿乙" 鼻塞聞唔到, 所以唔會自己進食, 需要 Force Feed, 佢個情況令義工有非常擔心, 已經到皮包骨的階段。

(阿甲) 黑 b 及 (阿丙) 如果用藥後仍沒有改善, 醫生說有機會盲。

暫托義工發現 Bat Man 大腿外則有傷口, 就醫後需每日到診所洗傷口。

另暫托義工亦發現查理後腳不能正常走動,醫生說可能之前受傷後沒有妥善打理, 至令壓壞神經,如果用藥後仍沒有改善, 這條腿將會作廢, 終生拖住後腿行走。

因需定期覆診及洗傷口, 所以牠們全部都會在救助義工家中暫托, 將會由救助義工及街坊義工(Debby)照顧。

但這一隻逃不過要馬上做摘眼球手術, 以減輕牠的痛楚...

還有很多很多可憐、染病的貓貓需要義工們的救助，

請大家伸出援手！捐錢救救西貢貓！

「”流浪貓屋”已於2007年3月27日成功註冊為慈善團體。貓屋各義工不會收取各界愛心人仕現金捐助，捐款人仕可直接存入貓屋戶口，各界有心人捐款滿一百元便可以退稅。只要將捐款收據電郵或寄回貓屋，我們便會回郵收據給捐款人退稅。另我們亦會將捐款放入貓屋財政一欄給各捐款人仕查閱。」

流浪貓屋及救助這班貓貓的獨立義工在此對幫助或捐助”西貢可憐貓”之愛心人仕致萬二分無言感謝!
＊貓屋戶口：匯豐銀行 817-092901-292 ＊
＊流浪貓屋有限公司＊
＊郵寄地址︰旺角郵政局郵政信箱79564號＊
＊貓屋電郵： info@straycatshome.org

捐款者可發電郵到 info@straycatshome.org通知我們，捐款請註明”幫忙西貢可憐貓”醫療費用，多謝合作。

以上圖片及文字，全部均轉載自流浪貓屋 http://hk.myblog.yahoo.com/jw!tQ1fnnmBHRoewGD8X3.d5Q--
請幫忙捐錢及廣範轉載！

Can you do that ?

2008-07-16T17:35:00.004+08:00

能做到以上任可一種動作者，請即在此報上名來！

喪的！哈哈哈.......！（誠意邀請好恨買iphone但又買不到的朋友收看）

2008-07-15T02:12:00.003+08:00

哈哈哈哈哈.......iphone smoke!

如欲看更多，請到＜這裡＞

rotting....

2008-07-11T04:10:00.002+08:00

styling by bonnie yan

請勿在車廂內食屎，多謝合作！

2008-07-08T02:04:00.007+08:00

有日同清兵搭車返柴灣時，喺巴士上層看見如此情景.......（下圖）
看發泡膠碗內有啡黃色流質物兼有一張看似用過嘅紙巾，
第一個反應係：「嘩！有人食屎喎！」
其實車上經已告示了「請勿在車廂內飲食」，我相信是包括食屎的！

＜圖片攝於往柴灣方向780號巴士上層＞

冇嘢呀嘛？

2008-06-16T03:16:00.000+08:00

係你成家人害死佢哋！

2008-06-03T02:58:00.002+08:00

我都唔明，無啦啦捉咗佢哋上嚟做乜？
仲要死唔肯放生佢哋，救生員嚟到仲要叫人查清楚係咪受保護先？
問人做乜攞走你兩條魚？你要用錢買咩而家？你憑咩覺得兩條小生命係屬於你？
請問你仲點樣去教育你嘅下一代？
請停止捕殺鯊魚！請停止食翅！請支持保育行動！

請珍惜食物和水

2008-04-24T23:35:00.000+08:00

煮煮煮.......食食食.......

2008-03-18T02:24:00.008+08:00

三色蛋

清蒸多寶魚

豆豉雞

滑蛋洋荵豬扒

蕃茄蛋花湯

我要煮煮煮X死晒啲「西人」，然後食食食X晒落肚，最後變晒屎痾痾痾X晒佢哋出嚟！
罪過！罪過！

佛都有火！

2008-03-18T02:13:00.002+08:00

不才愚昧，久未能悟出道來，
常被「西人」所惹怒，
為何世上「西人」何其之多？
LKB、彭YY.......等鼠輩，
速遠離之！

技癢

2008-03-13T04:02:00.003+08:00

styling by bonnie yan

柴灣冷血殺貓狂徒真面目，大家一起來聲討吧！

2008-03-09T07:06:00.003+08:00

歡迎各界人仕下載或轉載這兩張柴灣殺貓狂徒真面目之圖片！
讓全世界人都來聲討這些冷血、暴力、欺凌弱小、毫無人性的仆街吧！

我有四億！

2008-03-07T02:31:00.003+08:00

啱啱過咗嘅星期一，
我一早起身落咗去東大街間天后宮問觀音娘娘度水，
祈求今年脫貧成功，
唔洗講嘢，觀音娘娘就大發慈悲整四億俾我洗住先，
叫我年尾先還返俾佢咁話，
下年再問佢借多啲先！

換燈啦，懶人~

2008-03-07T02:22:00.006+08:00

成日話換燈換燈話咗三個月都未肯動身，
今日，我終於換咗喇，你睇.......
睡房

工作房

實情係先有睡房燈燒咗，後有工作房燈燒埋，
所以，今日嘅換燈手術係摸黑進行，而手術亦相當成功！
有相你睇㗎！

呢班人渣！唔死都冇用！

2008-03-07T01:39:00.006+08:00

又殺貓！究竟係咪小動物就係低賤啲要俾人任由打打殺殺？
究竟佢哋有乜得罪過你，要十個人揸住木棍追住一隻弱小嘅貓咪嚟打？
呢啲人渣，你話係咪唔死都冇用？
若果我係佢哋老竇，我一定攞碌木棍打Q死佢！

請大家認住呢班人渣！＜請各界不平人仕download and forward此兩張圖片＞

＜摘自6/3/2008蘋果日報＞
柴灣曉翠苑昨揭發怵目驚心的殺貓事件， 10 名冷血青少年手持木棍向一頭流浪貓追打，結果可憐的小貓就在一陣陣嬉笑聲中慘遭打死，冷血少年事後將貓屍棄於雨水渠內，繼續若無其事的在場聊天。警方接獲街坊舉報到場，將涉嫌虐殺動物的 10 人拘捕。有愛護動物團體慨嘆他們不懂得尊重生命，呼籲家長及早糾正子女這種偏差行為。

十名殺貓青少年包括 9 男 1 女，年齡由 13 至 25 歲，當中最年輕的 13 歲男童讀中一，其餘人均有工作。

他們涉嫌虐待動物被捕，其中兩名分別 19 歲姓梁和一名 24 歲姓謝青年，經調查後被落案控以虐畜罪名，明日在東區裁判法庭提訊，其餘 7 男 1 女則各准以 500 元保釋候查，案件交由東區警區重案組調查。根據法例第 169 章《防止殘酷對待動物》條例第 3 條，虐待動物最高可判罰款 20 萬元及監禁 3 年。
現場是曉翠苑多層停車場背靠山坡的一條小路，昨凌晨 1 時半，黑夜中傳來一聲聲淒厲的貓叫聲和青少年嬉戲笑聲，街坊看見 10 名青年男女包圍一頭小貓，他們當中有人舉起木棍向貓兒狂打不休，其他人則在旁吶喊助威，可憐的小貓無助地哀叫，但聲音逐漸減弱至氣絕，行兇的青少年則哈哈大笑，街坊驚見此殘暴不仁的場面致電報警。
警員到場時 10 名涉嫌殺貓者仍然在場，有警員事後說：「佢完全唔當一回事，更加唔覺得係犯法，根本冇打算走。」警方當場將他們拘捕帶署。慘被活生生打死的黑白色小貓，雌性，約一歲大，是本地短毛貓，相信是一隻流浪貓，屍體被掉在雨水渠內，並被一條長約 1 米的木方壓住，旁邊另有一條斷成兩截的木棍。

愛護動物協會發言人稱，案件交由警方調查，未能評論殺貓者的動機，但無論任何情況，即使是感到受滋擾或是影響環境衞生，也不應該以暴力或私刑處決動物，任何人也應該學習與動物共處，家長更應在子女年幼時導他們尊重生命：「唔好以為用石仔掟狗係好小事，只是一時奀皮。」要及早糾正這種偏差的行為。

淨係食個頭？

2008-02-12T03:43:00.001+08:00

今日教大家整一味餸叫「油炸大蝦頭」.......＜做法請按圖放大＞
呢個唔係食譜，係離X譜
一味淨係教人點整個蝦頭，咁啲蝦肉點算？
將啲龍井茶葉煲咗湯要備到幾時先用？炸咗啲茶葉又有咩用？
呢味餸頂多都係叫「油炸大蝦頭」，唔係「龍井泡大蝦」喎~師傅~！

小鬼基在此呼籲：請珍惜食物，切勿胡亂浪費！

法律面前,窮人含撚！

2008-02-05T02:09:00.001+08:00

從藝人淫照風波一事話
俾全香港人知----香港法律----只為有錢人而設、
而窮人----自己返屋企含撚啦！
淫照上載日日有，為何是次會特別落力？
鍾亦天究竟犯咗咩事，未審先判八個星期（仲要冇得保釋，唔知仲以為佢殺撚咗陳冠希𠻹！）？
殺貓案不斷發生，由上水、香港仔、銅鑼灣、旺角至深水埗均有殺貓狂徒，
為何警方只回應一句：「警力不足」了事？
陳冠希先生並無因相片失竊一事報警，但警方卻出動大批人馬搜查、拉人兼封艇，
究竟警力是否真的不足？
藏有淫照亦可能犯法？咁買鹹書睇有冇犯法？
點解警察嘅雷射鎗只會在射中林建岳架車時就失靈？
是否林生架車裝有甚麼不為人知嘅反雷射鎗裝置？

雷用賢話齋：「香港唔係樂土，係糞土！」

香港嘅法律，不過如此.......

山翠飯堂

2008-01-15T01:49:00.000+08:00

星期日晚餐A（二人前）.....
茄汁煎大蝦拼清酒花甲，配蕃茄飯兩碗，炒菜一碟，不計人工，盛為HK$130.00（兩位）聽說隔咗夜啲蝦仲更加入味！（適合第二日帶飯返公司食人仕）

紅蘿蔔薯仔炆雞翼，隔夜後唔知會唔會又入味啲呢？有待清兵報告。

俾我炒燶咗嘅炒飯，帶點點燶味，益街坊，免費任食！有興趣就嚟試吓喇喂~！

以上食物，不包飲品，如要飲品，另外收費，歡迎自備！

新.......的.......

2008-01-12T01:51:00.000+08:00

為配合新一年開始，所以.......有好多新嘢.......
新的家、

新的梳化同茶几、

新的鑊、

新的景觀、

新的眼鏡、

新的game、

新的iPod.......

藉此希望新的一年，如公私不分的西人、扮X晒好人的陰險西人、死不悔改的西人、搞事搞非的西人、總之所有西人、西人、西人、同埋西人.......從此遠離小弟，有咁遠死咁遠啦！唔該！

煮煮煮！

2007-12-28T01:49:00.000+08:00

久沒寫blog，終於返嚟喇！
因上月搬到百哩冇外賣之地，
所以食慣外賣嘅我，決心揸起鑊剷，學吓煮嘢食！
點知一發不可收拾，做廚嘅興趣遠大於攝影，
都係時候諗吓係咪應該轉行。（諗吓啫！）
蒜茸炒西蘭花，其實我都炒得吓㗎！
白灼蝦、油鹽水煮大蜆、又係蒜茸炒西蘭花，個蜆麻麻地，有代改進，蝦好鮮味（其實係啲蝦夠新鮮）來自筲箕灣七記海鮮，好食但其實好簡單。
咖喱烏冬拼烚蛋加黑椒脆皮腸，又係簡單嘢，不過宵夜算係咁啦！廢事搞咁多功夫嘛！
廚藝尚在努力改進中！俾俾面係咁易拍兩吓手掌都得掛？

Tony Jaa 教泰文~要睇！要睇！

2007-11-21T01:35:00.000+08:00

好笑到~停唔到！搞到我都好想去學吓泰文𠻹！

電車開得好鬼慢，夠晒時間食個飯！

2007-11-14T00:58:00.000+08:00

2007年11月11日，下午17:50，一輛由筲箕灣駛出之電車途經西灣河警署附近，
一名阿姐突然拿出一盒早預備的飯和一盒湯混在一起，
然後發出“sir~~sir~~~sir~~~~~"的怪聲，見下圖.......

香港人，爭分奪秒！
時間就是金錢，每一分每一秒都不能浪費！
但請故及車上其他乘客安全，不要在電車上狼吞虎嚥！

P.s.近排忙於搬竇，故久久未能update，抱歉！

對！緣份.......

2007-11-07T01:42:00.000+08:00

近日收到的留言, 都是支持讚賞鼓勵的說話, 讓我們都幾乎有點飄飄然了, 突然有一些持相反論調的意見, 實在是當頭棒喝, 將我從半空中拉回地面, 腳踏實深思所作一切, 特此感謝"make me THINK"這個適時的留言:

寫這篇是緣份吧,本想不寫,但都是寫了...

對於愛動物的人,我從來都不能理解那份痴。

砍斷小貓雙腿的凶手,當然令人痛恨,應從教育方面做起。不是說要如何愛護動物,這是個狹義層面,而是關乎尊重生命的課題。

跟朋友說起小貓被砍雙腿的事,我說,獸醫都說讓它安詳地離開這世界,總比起救治它,而日後卻要它承受其他苦楚更好。為什麼那群熱心人,還要花那麼多心機, 與其花那時間和金錢和愛心,去救援一只小貓,不如去幫助有需要的人。世界上,在很多不知名的山頭,無名的小巷,都有無數小動物的性命被奪,或是遇上凶猛野獸,或是遇上毒手,或是遇上自然災害,我們可以救回多少動物呢?

是不是大家1. 太多時間 2.太多同情心 3.太多金錢4. 太多心機和精神? 幸運的我們,好好運用這些東西吧。

說到肢體殘缺,讓我感動的,是看見書上圖片介紹香港的骨科医生們到大陸當義工。義工隊的行程當中,医生們看見街上一位肢體殘缺,只會低下頭行乞的女孩,原來她先天脊椎問題,使她從未抬頭看過世界一眼。医生的手術,終於可以讓女孩有尊嚴地坐在輪椅上,正面看這個世界一眼。

我反覆重看閣下的觀點, 完全沒錯。不過, 一方對, 不代表另一方錯, 正如世上一切, 總有兩面, 大家透過不一樣的價值觀, 看出不同的事情:

有人看見, 一堆沒事做的人, 將人力物力浪費於一隻殘缺的貓咪身上, 進行無謂的救援。
有人看見, 一群人在拯救生命, 一條以貓咪形態生存的生命。

有人看到貓咪身體傷殘, 不是完美的生命不宜留在世上。
有人看到貓咪失去雙腳, 仍然努力活著, 教人更珍惜生命。

有人看到生存世界的物競天擇, 將弱小生命的自然流失, 看作理所當然。
有人看到人為的邪惡在擾亂物競天擇, 奪去本來能好好活著的生命。

有人認為人的生命, 比動物重要。
有人認為人類也不過是其中一種動物。

有人看生命是狹義的, 只有人類在這個課題之內, 其他一切, 只能算是生物, 不算是生命。
有人看生命是廣義的, 就算看到地上的小草, 也會放輕腳步, 以免殺生。

有人願意為無國界醫生出多一分力。
有人願意為愛護動物協會出多一分力。

要寫下去的話, 寫到明天也說不完, 就在我喋喋不休在打著這篇post的時候, 藍藍小姐已經睡醒, 正在嘗試偷走出籠, 探索世界。

有人認為, 為自己所作的事情辯護最為重要。
有人認為, 立即停筆, 去摸摸藍藍小姐比較重要^_^

對！這偉大的義工說得很對！是義工和藍藍之間的緣份吧！
本人認為最緊要嘅係，好好照顧這可愛嘅貓咪啦！

P.S.有興趣看看藍藍最新情況者請到.......http://szekiu.mysinablog.com/index.php

好撚嬲！呢啲人渣，一定有報應㗎！（睇完會好撚嬲，請作好心理準備！）

2007-11-02T02:20:00.001+08:00

人說, 天水圍是港人的悲情城市, 因為倫常慘劇太多。

我說, 上水也是貓貓的悲情城市, 因為變態的人太多。

也不是首次聽見上水的變態案件, 有時不只上水, 有時也於大埔、粉嶺發現, 每次聽到感覺仍然震撼。

見過, 給滾油淋過的貓, 皮膚給嚴重灼傷, 慘不忍睹。

看過, 給汽槍射破貓眼的圖片, 嚇得不敢說話。

聽過, 「天真爛漫」的小孩們會捉貓貓去玩, 內容大概是以電梯門一開一關地夾著貓, 不明樂趣何在。

據說, 也有人以八爪鈎, 放些貓糧便去「釣貓」, 餓著肚皮的貓不虞有詐, 一吃貓糧, 嘴巴便給鈎著, 給變態的人捉著, 打暈打死後, 便拿去煮食。

還有很多很多, 實在太多, 你不會置信, 像是天荒夜譚般的事。聽罷, 你會發現, 原來香港人也可以很野獸。

星期二晚上, 收到大埔義工Lisa的通知, 消息令我震撼得不懂反應: 有一隻1月大的貓貓給人家齊口切斷雙腿。怎下得了手, 怎會這樣, 人性去了哪?

路人看見斷了肢的貓b, 不忍心便致電愛協, 愛協因緊急事故太多, 拒收, 轉介予漁x署。漁x署接過了貓, 據正常情況, 要等4天無人認領, 便會處決。但這四天內, 有沒有醫療可以提供予貓貓呢? 今早, 好心人致電查詢過, 得悉還沒有獸醫替貓b診斷, 那是否代表還沒有給予過任何治療呢?

貓b是白貓, 我家也有隻白貓雪雪, 夜裏我摸著雪雪的後腿, 可怕地幻想著雪雪沒有了雙腿, 差點兒令我崩潰, 太可怕了, 是萬聖節的賀禮嗎?!? 我受不了這種錐心的痛, 我們希望可以為貓咪辦點事, 哪怕是微不足道。

輾轉間貓兒來了交到了我們香港群貓會手中，帶著貓ｂ，跑了兩間診所，見了四個獸醫。他們都不約而同地跟我們說，即使在外國也沒有見過有人會把貓貓的雙腳一併砍下，很震驚。獸醫們都建議安樂死，因貓兒將要面對的路實在太長太苦。

若我們堅持要救貓貓，她首先便要面對一個切肢手術，以她只得290克的重量，要支持一個手術的麻醉藥，很難！

假設手術成功, 沒有了兩個後肢, 又怎走路, 怎跑怎跳? 如廁又怎辦?

假設我們成功找到適合的輪椅給她, 醫生又說長期以輪椅支撐身體行走, 可能會出現其他皮膚或肌肉上的問題!

才只得我手掌般大的貓兒,何解可以有這樣大的困難? 醫生們都要我們下決定, 說一句安樂死吧很簡單, 但你看見她精靈活潑的眼神, 像告訴你, 我已很乖, 慢慢在等你幫助我。你是我, 你忍心說安樂死嗎?

四個醫生, 四個相同的答案, 也沒有令我們放棄, 我們不停在否定醫生說出來的建議, 似乎在尋找一個醫生, 願意去支持我們留住她的想法。沒可能無止境地看醫生, 於是我們昨日便決定把她留在跑馬地獸醫診所渡過一夜, 等今天何大成醫生回來, 再作診斷才決定。護士問我們小b有沒有名字, 本來就告訴她貓貓沒有名, 但想著, 我們可能要給她安樂死, 怎說也不能沒名沒字地離開這個世界吧! 所以, 改名為藍藍。

藍藍真的很可愛, 長大後應該是擁有一雙藍色眼睛的白貓, 她現在眼睛的藍, 是與其他的貓b有所不同, 要份外的藍, 所以我這麼認為她長大後會有藍眼睛。但, 她會長大嗎?

藍藍也頗胖, 除了沒有隻腿外, 就與平常貓貓無異, 只是特別乖巧, 沒有撒嬌, 沒有尖叫, 就只有默默地等你為她作決定。如果藍藍有完整的肢體, 她將會是一隻肥肥的白貓。

昨天接過藍藍後, 因為她被困籠中, 所以我一直沒能看見她的腿。我們首先到達的是九龍動物醫院, 由於醫院裝修還沒有完成, 診症室內沒有枱, 我和betty醫生就只是蹲在地上打開籠, 拿出藍藍來看。dr betty開籠時, 我還拿出相機打算作點記錄, 但一看到她的腿, 我和dr betty都忍不住哭了。兇手, 為何你這樣殘忍呢?

如有心理準備, 請看看藍藍的照片:

SHIT!

各位, 請廣傳這篇網誌,讓大家都知道, 原來香港人也可以很殘忍, 很讓人羞愧。
（轉載自呢個blog：http://www.elaine-chan.com/?p=188）

希望呢啲事情立即停止！請保護、愛護所有手無吋鐵嘅小動物

dream.......

2007-10-28T00:53:00.001+08:00

styling by bonnie yan

哈哈~！

2007-10-26T03:37:00.000+08:00

真有趣！

開倉~！唔使錢任攞~！（派發期限已過期！請勿再問！）

2007-10-17T00:32:00.002+08:00

大量過期菲林及未過期相機電任攞，一個仙都唔收！

任攞物品包括.......
１＞RDP-120 (正片)已於2006年7月過期.......

２＞NPH-135 (負片)已於2007年1月過期.......

３＞Kodak Lithium Battery - 2CR5 6V.......

４＞Kodak Lithium Battery - 123 3V.......

有意者，請留言！

有冇人搵到呢首歌隻CD？

2007-10-08T01:02:00.000+08:00

今日睇咗場三點半，＜C+偵探＞，都幾好睇，幾緊張！
唔知點解一聽就好鍾意佢片頭首泰文歌，知道邊隻碟有呢首歌話我知呀喂~！

有趣的日本保險公司廣告

2007-10-07T00:36:00.000+08:00

verson 1

verson 2

verson 3

若果香港嘅廣告都咁有創意同大膽的話，你話幾好呢！

鬼~其實冇乜好驚~！

2007-10-02T03:33:00.000+08:00

早日行過page one，見到本來自台灣陳為民著嘅「遇鬼自救手冊」，
鬼靈精怪嘅我即帶佢返屋企！
讀後感遲啲補上，因鬼王為民哥仍於床頭邊正等待和我通靈.......

最認同筆者在書中題到：「遇鬼別怕，跟它拼了，輸了最多跟它一樣，然後再扁它！」及封底最後那句：「.......反正到最後結論一定是人比鬼可怕，比鬼還會害人，與其擔心鬼，不如多花點心擔心周遭的人跟注意自己的安全」

鬼-唔會喺公司blog內誣隉你係陰險小人，
鬼-唔會自知冇料但高調地宣揚自己喺中大乜大物大畢業，
鬼-唔會假傳聖旨，只顧自己喜好而忘記老細要求，被老細鬧時就將事情推卸到與自己無關，
鬼-唔會同你扮friend然後因不知來龍去脈嘅小事而反轉豬肚.......(陰陽路之X內劇情先會出現)

對！人比鬼其實真的更加可怕！

今晚煮飯食！

2007-10-02T03:21:00.000+08:00

好難得＜一＞公眾假期有我份！
好難得＜二＞一向主張落街食飯嘅我喺屋企煮飯食！

今日起身落街食個afternoon breakfast，同清兵無無聊聊行咗去街市就買啲嘢準備十一國慶晚餐，
一向嗜蝦嘅我倆，今晚展開咗一場大屠殺(罪過！罪過！)

20蚊一斤蝦係來自筲箕灣街市七記，鮮甜~！滔哥話齋：「最緊要點啲頭抽，第二度食唔到㗎！」

幫吓手，做吓好心啦！

2007-09-28T00:59:00.000+08:00

種善因，得善果，
請救救黃驚仔.......

請各界見字即捐錢到＜此處＞

中秋快樂！

2007-09-27T05:45:00.000+08:00

多謝中秋節令咁多年傳媒工作嘅我得到一日遺忘咗好耐嘅公眾假期！
到咗中秋，去買番個燈籠應吓節，
人大咗，越愛簡簡單單。
兔仔燈籠，簡單而純撲！
其實做人嘅嘢，簡簡單單咪幾好，
洗乜咁多勾心鬥角呢？

鼻哥俾面！

2007-09-26T04:05:00.000+08:00

早前被鼻哥點中，即管一玩.......

A.必須點名至少8個人，要用盡辦法通知各人參與這個遊戲，人數不夠的話就少點，2個以上就行。
B.被點名的人不可重複被點，每個人只可玩一次。
C.回答問題當中時，需自行刪除一個不喜歡的問題，更換一個新的問題，然後點名其他人來玩，如此延續這個遊戲。
D.答案需在各自的blog內公佈.

開始遊戲:

填寫日期：26-9-2007

1. 如果現在有一個願望給你，一定成真，你會做咩?
ans：食酸梅乾變超人
2. 如果有機會可以讓你重回一個時間，你會選擇回到那個時間?
ans︰我老竇十幾歲嗰陣，想見吓阿爺
3. 死前一刻最想誰在身邊?
ans︰最想喺我身邊嘅人
4. 如果唔駛返學/返工你會點呢?
ans︰我會失業
5.　如果中500萬獎金，你會怎麼花?
ans︰玩、玩、同埋玩.......
6.　你最怕的事情？
ans︰冇錢開飯
7.　你覺得邊件事係令你最難忘既?
ans︰好多喎！
8. 假如您只剩下一日命，會點面對?
ans︰搵定陪葬品
9. 你能放下現在的生活，去鄉村或其他城市重新開始嗎?
ans︰能
10.　最愛的食物?
ans︰飯
11.　最愛的顏色?
ans︰彩色
12.　痾屎唔出你會話俾邊個知？
ans︰醫生
13.　最愛的運動?
ans︰肛門放鬆收縮運動
14.　最愛的人?
ans︰愛人
15.　最愛的口頭蟬?
ans︰屌~
16.　最討厭的人?
ans︰公私不分、人面獸心嘅人
17.　最愛的季節?
ans︰四季
18.　最了解我的人?
ans︰我自己
19.　最想同身邊嗰個講的一句話?
ans︰瞓啦~！
20.　最想見的人?
ans︰好耐冇見嘅人
21.　愛的定義?
ans︰晚晚做
22.　如果免費送架車俾你，呢架車會係咩車？(可列明牌子、型號)
ans：勝家
23.　最喜歡的地方?
ans︰屋企
24.　最愛的零食?
ans︰煙仔
25.　呢一刻最想做啲乜？
ans︰諗到第十二題改問乜

以下人仕見字請立即做此問卷.......（提名不分先後）
豬肉權、jovy、june、asuka、esther、Liina、新春、阿凡、阿蓉.......係咁多先，諗到再加.......
如有不明之處，請留言，多謝各位！

2007-09-18T23:17:00.000+08:00

styling by bonnie yan

嘩~！屌吖~！

2007-09-14T01:41:00.000+08:00

今日從鼻哥之blog得知有如此好玩網，
將兩張相合拼，啱我呢啲無聊嘅人解吓悶，
唔洗講嘢，即試.......，結果如下.......
似乜？你自己諗啦！
多謝你呀鼻哥！
個網帶俾無聊嘅我無窮嘅歡樂！
好嘢梗係要同大家分享，
網址係.......
http://www.morphthing.com
鐵定聽晚再玩過！
哈哈哈哈哈哈哈.......

是時候把悲傷結束

2007-09-13T00:31:00.000+08:00

一連兩晚Sidney嘅設靈同追思會都已完結，
代表咗關於sidney嘅一切，都只會留喺腦海裡面，
正好叫我哋係時候要把悲傷結束起來！
昨晚嘅追思會後，同成班舊便利嘅同事去咗飲嘢，
好開心見到大家都瘋狂地高談闊論，暢飲一番！

p.s. 小吉：好高興認識你，我哋喺網上嘅世界再見啦！

嚇鬼呀？

2007-09-08T16:17:00.000+08:00

早前從鼻哥個blog得知港煙有如此好笑事，
但從相片睇不夠實物震撼，當從７記店員手中取過來一望，
即從心裡面笑咗出嚟.......

一向相信，十個煙蟲，十個都知食煙係對健康唔好㗎啦！（但唔好問我點解我仲要食）
唔係諗住咁樣有阻嚇作用呀嘛？咪玩啦！

呢舊咁嘅嘢又代表咗啲咩呢？
有冇人知點解個金塔上面會貼住道符？
係咪南洋一帶巫術嘅一種？
即係食咗呢包煙就會中降頭？
歡迎知情人仕解答小弟疑難！

支持走音王嘅，請嚟「睇~~」！

2007-09-04T00:30:00.001+08:00

請留意伍衛國嗰句：「支持靚聲王嘅，請坐「低~~」！」哈哈哈哈哈~~！

七夜怪談 - 貞子出古井

2007-08-28T22:27:00.000+08:00

嘩~！真係好恐佈呀！(膽小者勿看)

祝你愉快！

2007-08-25T03:00:00.000+08:00

放工後傳來驚人消息！

你我雖然認識不深，
始終總算相識一場！
你選擇離去，
我只有嘆息！
願你能到快樂的國度！
我永遠只有懷念！

希望你嘅選擇，令你感到愉快同解脫！

生財工具新動態

2007-08-22T04:10:00.000+08:00

攝影只係我嘅工作，興趣.......真係不大！
但自從攝影數碼化之後，開始多咗留意數碼相機發展嘅動態。
今日從同事得知canon出咗呢部1Ds Mark3，
相信呢部最新嘅專業數碼相機係好多photographer嘅dream camera，

一部135嘅數碼相機竟然有2,100萬像素，
但價錢就.......US$7,999，
我相信喺我有生之年都唔會擁有！（睇吓都冇壞嘅！）

呢部canonG9，
如無意外，應該會成為我嘅囊中之物！
1,200萬象數，US$500，
最緊要係佢有得影RAW file，
對我嚟講，已經好吸引！

喺一個網站上面發現nikon有如此廣告.......
傳聞係D3，有1,800萬像數，
若果唔太貴的話，
可能係我未來嘅搵食“㗎生“！

數碼相機真係令我哋從事攝影工作嘅人泥足深陷，
兩年前我部Nikon D2X，雖然係有1,280萬象素（成三皮幾嘢㗎！），

今時今日都經已out咗！

black without white

2007-08-17T22:52:00.000+08:00

styling by bonnie yan

兩段好笑片段！

2007-08-15T04:04:00.001+08:00

執完相，check下e-mail，
發現兩段好笑片段，
梗係同各方好友分享吓啦！
唔洗講嘢！睇片！

呢段真係超爆笑！
若果你係片中嘅人，
你會唔會同佢一樣反應？

哈哈哈哈哈哈哈.......

大水牛 VS 獅子王

2007-08-11T05:39:00.000+08:00

你知咩叫弱肉強食嘅世界嘛？
睇過呢段片你就會知！

有生之年，
我一定要去睇一次野生動物！
精彩！

開波喇喂！

2007-08-11T05:21:00.000+08:00

細細個嗰陣，老竇成日帶我去政府大球場（以前老竇係咁叫）睇波，
搞到我小學至初中時期都好鬼鍾意踢波同睇波！
想當年，同成班波友由中午十一二點踢到球場熄燈至肯返歸，
都唔知啲精力喺邊度嚟？而家？
跑幾分鐘都上氣唔接下氣囉！
自從冇踢波之後，都好少睇波喇！
今次有幸得到巴塞隆拿對本地薑觀瀾湖邀請隊（咪即係傑志加愉園~）嘅波飛，
但因為「蝴蝶」襲港，搞到球賽一度延期，希望天公大發慈悲，
俾呢場賽事順利舉行啦！
thanks God！

不死唐朝

2007-08-10T03:27:00.000+08:00

唐朝樂隊-國際歌

唐朝樂隊-Live in Hong Kong 1994 （有冇人記得係邊個同我去？）

老人家好鍾意想當年，
唔知點解三十出頭但患上記憶力衰退症嘅我都一樣。
唔記得幾時開始好鍾意聽歌？
唔記得幾時開始好鍾意聽band嘢？
唔記得幾時開始鍾意唐朝？
好朋友仔話我知，
喺1994年唐朝樂隊-Live in Hong Kong同場仲有何勇，張楚同竇唯，
何勇同竇唯，我都有印像，但有好多我都唔係太記得喇！
真係大Q鑊！

讀咁多書又有咩用？

2007-08-03T01:29:00.000+08:00

由細到大阿媽都同我講：「唔讀多啲書大個就冇用！」
但今期壹週刊book A封面大題寫著《港大城大科大淫網集團》，
即係有大學生從事淫業活動。
我會同番阿媽講：「讀咁多書又有咩用？」

雖然呢個係一個極端嘅例子，但喺現實生活裡面，總會有一啲自以為飽讀詩書但只為一己私慾而妄顧他人感受嘅讀書人喺你身邊出現。

佢哋冇能力大奸大惡，所以只能夠喺公司搞吓分化，唔鍾意呢個唔鍾意嗰個怨天怨地講一套做一套公報私仇等等等等等等等.......

佢哋自以為是睇唔起人，經常將自己喺甚麼甚麼中大乜大物大畢業掛喺口邊，然後以搬弄是非，誣隉他人為樂，
唔識得公私分明，冇料但話自己行實力，成日想趕走呢個趕走嗰個，喺街執到新款電話即起貪念，經常認為全世界都講佢是非睇佢唔起，口講唔恨上位但權力慾極強.......
呢啲人讀咁多書，咁又點？
讀得書多，唔代表你係好人嚟嘅！

在下奉勸各位，
若果喺你身邊有以上症狀嘅人出現，請立即敬而遠之！

超正 Music Video 必睇！正~！

2007-08-02T02:05:00.001+08:00

先睇真嘅michael jackson.......

原來印度嘅michael jackson係有鬚㗎！

呢個絕對係誠意之作，制作仲好認真，你睇佢有咁多dancer同換咁多套衫就知！
誠意推介，必睇！

原來superman係同spiderwoman係一對！
不得不寫個服字俾佢！
真係大開眼界！勁呀~~！

禁煙、禁毒，為何不禁酒？＜摘自30/7蘋果日報＞

2007-07-31T02:04:00.000+08:00

特區自年頭實施室內禁煙條例至今，已有半年餘。成效如何，有目共睹，街頭烽煙處處，垃圾桶變成煙民的聯誼小社區，還有那些設計成郵箱模樣，有幾個圓孔，掛在欄杆的煙蒂收集箱，設計詭異，完全為製造街頭毒氣而設（還不及街坊自製的奶粉罐實際），那些樓上咖啡室、卡拉ＯＫ、酒樓貴賓廳、大廈後巷，還備有煙灰缸供煙民享用。法例形同虛設，在條例實行之初，筆者已預見會有今日局面，還看港府早於六、七十年代，已高呼清潔香港，但喊了三十多年，港人仍難棄掉華人傳統陋習，畢竟ＤＮＡ這東西，遺傳了就戒不掉。
禁毒多年，吸毒人士不減反加，年輕一代，還視吸毒是「潮」，未試過就「 Out 」。有騎牆議員，指摘執法部門，執法不力，社工不足，宣傳不夠，家長忽略子女云云。一大堆令人打呵欠的廢話，空洞無力。
說來說去，陳腔濫調，皆因現今立法會內，習慣見風駛舵，永遠站在最多人那一邊，包無損失。所以不會有議員提議，以後凡吸毒者，判罰到大西北，勞改終老；凡躲在卡啦ＯＫ包房內吸煙的，判罰到山西磚窯，當苦工三十年。因為尊貴的議員們，除了要看一班所謂道德人士的面口外，還要顧及草根階層的感受（因為他們也有權投票），所以特府就出了禁煙條例這怪胎：政府不肯放棄龐大的煙草稅，所以要賣煙；但為了保障市民健康，及減少將來因吸煙疾病所帶來的醫療開支，所以宣傳禁煙；又因為要維護非煙民的「利益」，故立例禁煙。最後，煙民在家中吸煙，在街上噴煙，就是沒有人戒煙。
如果依照上述特府的立法原則，為何多年來，沒有人提議過禁酒呢？酒精喝得多，一樣會損害健康，特別是容易肝硬化，引致肝癌。另外，酒後容易亂性，兩杯到肚，陌生男女上床，弄大肚子了，害了自己，也害了小孩；酒吧鬧事，時有所聞，刀光劍影，血流滿地；酒後駕駛，害己害人，全球死於酒後駕駛的人，會少於吸入二手煙而死的人嗎？
一個政府，要執行家長式的管治，需要高度的自我審查和道德標準，可以說為了保障其他人健康，不准你噴二手煙。但為何不可以，以保障我的性命為由，全民不許飲酒呢？若然特府解釋不了的話，還是把禁煙條例燒了，替我點支煙吧！
簡敬禧

皇上~~~~~！

2007-07-30T00:57:00.000+08:00

＜壹本便利圖片＞

早日得知皇上駕崩，突然勾起好多回憶！
６，７年前，草民還在壹本便利當攝影師時，
有幸得與皇上拍照做訪問的機會，（以上乃其中之一張），
每次見皇上，必定帶備兩盒斑腩飯進貢，
這次拍攝，是先準備車到皇宮接皇上到studio拍攝的，
皇上到步後，眼見studio有多幅大白牆，
即刻歡喜地指著其中一幅白牆說：“我想喺嗰度寫字！“
然後二話不說，拿出文房四寶，在牆上鐵劃銀鈎一番！
當日情景，突然好像是昨日發生的。
在此，希望皇上在天之靈，安息啦！

夏日炎炎

2007-07-29T19:06:00.000+08:00

７月已到尾聲，８月將延續炎熱嘅天氣！
這個７月，係回歸十年大日子嘅月份，
這個７月，係九龍皇帝駕崩嘅月份，
這個７月，係我看透人生百態嘅月份，
這個７月，這個月份亦令我見識過人性嘅醜惡！
這個７月，真係真係.......好難過.......
喺呢個咁炎熱嘅７月，有乜嘢好得過開大個冷氣，瞓個晏覺發個好夢？
真羨慕我家３寶，生活得簡簡單單，
每日就過著只需食，痾，玩，同瞓，無憂無慮嘅日子.......，

唔需要你愚我詐，唔需要怕嗰啲同你扮friend但因小事同你反面而又唔講理由嘅人，
唔需要攻於心計，唔需要怕嗰啲為掩飾自己，為扮好人，而先發制人喺個blog度誣隉人係甚麼陰險小人嘅人，
唔需要面對嗰啲成日扮清高，口口聲聲話唔在乎甚麼職位只想做好件事，然後將自己讀過甚麼大學成日掛喺口邊而睇唔起人嘅人，
唔需要去面對嗰啲自以為飽讀詩書，但又唔識得去公私分明，搞小動作，講一套做一套不知所謂，假仁假義嘅人，
唔需要理會嗰啲辦公室政治，唔需要理會嗰啲成日話唔鍾意呢個唔鍾意嗰個想叫老細炒咗呢個炒咗嗰個嘅所謂高層.......
下一世，
你話係咪做一隻受人萬千寵愛嘅貓好過？
唉~！早啲瞓啦！

祝你早日康服！

2007-07-29T02:07:00.000+08:00

朋友A琴日話我知，佢爸爸發現咗有癌細胞，
喺個度，不幸中嘅大幸係，發現得早，
做咗手術後應該無乜問題，但係要切除咗一邊腎，
唉~！人生無常！
希望世伯早日康服！
朋友A早日收拾心情努力工作！

小白@浴袍團成為老闆喇！恭喜晒！

2007-07-26T00:29:00.000+08:00

琴日係小白小姐嘅picturesque gate化妝學校新張大喜日子，
小弟都唔執輸擺番個花籃喺佢門口賀一賀佢！
臨出門口之前都記得要帶部digital去影吓相，
點之.......都係唔記得咗！唉~！
算~！用部電話頂住雞頭先！
若有朋友仔有意跟靚女小白學化妝的話，
留言俾我啦！哈哈！

p.s. 小白，james，恭喜晒！祝你哋賺多啲，發過豬頭！
恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜恭喜晒！

海洋公園遊

2007-07-22T23:55:00.000+08:00

17/7，星期二，放咗一個烈日當空嘅大假，
屎窟痕去咗海洋公園玩，好熱！

想飲鑵汽水解吓渴？
擺低十五大圓先啦！癲~！

話晒回歸十週年，務必去探一探四隻國寶，
可惜國寶們只顧住瞓，郁都唔郁，
但係成班火星人好似發現新大陸一樣（包括在下），
搏晒老命舉起自己嘅相機喺限時兩分鐘之內係咁影係咁影係咁影係咁影.........
唔知邊隻係盈盈，邊隻係樂樂，你分唔分到？分到話過我知啦喂，唔該！

呢隻係安安，瞓得幾招積，睬你都有味！

你睇唔睇到佳佳喺邊呢？

另外，
本人發現海洋公園有一新遊戲因為本人唔知該項遊戲嘅真實名稱，
所以我就暫時叫佢做.......＜戚袋袋＞
有請表叔示範.......

唔知係咪戚袋袋遊戲太激烈，定係天氣太熱，焗得滯要唞唞氣嘅關係，
喺表叔彈吓彈吓之際，唔覺意走咗隻指公出嚟！
係我事後睇play back時發現的，笑爆！

全日嘅收穫係.......
玩咗一次好耐冇玩嘅過山車，
玩咗一次都幾好玩嘅越礦飛車，
睇咗鯊魚，去埋海洋館，撇~！

臨尾等車時仲見到熱氣球緩緩升空，
望住個熱氣球，慨歎著動感影院已變成機舖，
唔知點解？海洋公園好似經已冇以前咁好玩咯！
好懷念以前成班o靚仔o靚妹一齊去水上樂園，
五彩天梯，開心河，浪濤灣，激流旅程.......真係好好玩！

我唔該妳啦！咪再咁多事啦，關妳咩事啫？

2007-07-17T20:39:00.000+08:00

我呢個係我私人嘅blog，係我同我嘅好朋友分享嘅私人blog，
妳硬係要入嚟睇，我冇話唔welcome，咪睇囉！
況且我所寫嘅全部都係我所見所聞嘅真人真事！
但係妳睇完就唔該妳唔好多事！
妳係有不滿嘅，妳可以喺度留言俾我囉！
喺私人嘅blog寫私人嘅嘢，有咩問題？
自古多事的人皆早死！
係俾人笑撚死！哈哈......！

你話生咩仔吖？？？

2007-07-16T03:01:00.000+08:00

10 歲童集體淫辱女同學
三人涉校內廁所施暴　其中一人認四罪
【本報訊】九龍一間小學揭發駭人聽聞的校園風化案，三名年僅 10 歲的小四男生，一個月內四度將同班 10 歲輕度智障女生禁錮廁所內，肆意淫辱，將女生衣服脫光後用陽具磨擦她的私處、在女生胸部及私處塗上白色塗改液，更分別在她的私處及肛門插上鉛筆和筷子，女生最終通知社工及報警。　記者：戴國輝
涉案三名男生年僅 10 歲，共被控四項非禮罪，昨在九龍城裁判法院兒童庭提訊，首被告承認所涉三項非禮罪的一項，次被告承認所涉四罪的三項，第三被告則承認全部四項罪；庭上披露，次被告成績優異，中、英、數學及常識四科都獲得「 A 」級成績，沒有一科不及格。

鉛筆插私處筷子插肛門
案情透露，受害女童現年 10 歲，內地出生，與母親一同來港， 03 年開始在九龍一間小學讀書，她輕度智障，記憶力比同齡小孩較差，三名被告是她的同班同學。
次被告及第三被告於今年 5 月 15 日，趁小息時帶女童到校內的傷殘人士廁所，兩人脫下女童的胸圍及運動褲，用手指插向女童私處，女童疼痛不已，想離開廁所時遭兩人攔阻，他們伺機撫摸女童胸部，至上課鈴聲響起才讓女童離開。
第三被告與另兩名男生於 6 月 1 日，趁小息時再帶女童到傷殘廁所，將女童脫個清光，第三被告更用陽具觸碰女童私處，女童要求他停止，另一名男生就用鉛筆插女童私處，用筷子插女童肛門，至上課鈴聲響起，三名男生才離開廁所。

有男同學撞見高聲呼叫
三人於同月 5 日再帶女童到廁所，分別在女童胸部、肚臍及私處塗上塗改液。
至同月 11 日，次被告、第三被告在廁所脫下女童運動褲及胸圍，另一男生則用陽具磨擦女童私處，女童一名同班男同學在廁所外大叫，迫各被告離開廁所，開門察看發現女童一絲不掛，男同學將所見告訴其他同學，原來他已不只一次目睹各被告欺凌女童，男同學記得有一次他經過傷殘人士廁所時，見各被告有說有笑離開。女童知悉她被侵犯一事廣為人知而感到不悅，於是通知社工。
師向三名被告了解詳情，他們將經過詳寫在筆記內，校方將事件通知女童雙親，雙親報警求助，首被告在警誡下對指控直認不諱，又說：「我以後一定唔會再做。」

女童將用視像系統作供
法醫替女童檢驗後，證實女童處女膜沒有新近造成的撕裂傷痕，但不排除曾有陽具進入女童私處的可能性。警方其後在傷殘人士廁所內撿獲涉案鉛筆。
由於首、次被告否認部份控罪，女童稍後須透過視像系統作供，案件押後至下月 24 日預審，裁判官索閱第三被告的感化官及心理專家報告始判刑。

若果你的上司是管理階層人員，千萬不要和他太友好的大石責死蟹真人真事，小心！

2007-07-12T04:06:00.000+08:00

之前一段有關大石責死蟹的真人真事內容,
已得到容身之所，可喜！可賀！
有興趣瀏覽者，請到以下網址或click上面標題.......

http://hk.myblog.yahoo.com/swliu0621/article?mid=522&fid=1

p.s.小器、公私不分、有被逼害妄想症、性格分裂、凡事對號入座者，請勿內進！
後果自負！

不能包容朋友的，不是朋友！對朋友公私不分的，更加不是人！

2007-07-11T03:10:00.000+08:00

朋友A話我知佢同一個識咗多年嘅朋友決裂咗，
原因係因為一個地址，好笑！
而嗰位識咗多年嘅朋友之後仲喺佢個blog度寫佢，
話佢出爾反爾，其實朋友A唔將個地址講出嚟係有佢原因，
一件真係好小好小好小好小嘅事，
點解要將件咁小嘅事放大，放大再放大呢？
為咗件芝蔴綠豆嘅小事而失去一位朋友，
不論係交心不交心，你覺得值得咩？

我近排都有個類似經歷，
因為工作上嘅溝通小問題，令我同一個曾經交心嘅朋友決裂，
你有冇諗過我嘅做法係有我嘅原因先？
講咩朝早一個樣，夜晚一個樣？
你呢啲就叫做交心嘅朋友？
即使係我做錯咗，你咪即管鬧我囉，
關我身邊嘅人咩事？
你夠膽同你嘅良心講你真係冇公私不分咩？

呢個係我私人嘅blog，只歡迎我嘅好朋友同我分享，
做乜嘢我寫blog又關你事先？
你唔係我嘅朋友你走入嚟做乜先？
我又冇叫你睇我個blog，你嘈乜先？
你好驚俾人寫你咩？你既然做得出，怕咩認先？
我寫嘅全部都係事實，而我又冇開名寫，你嘈我咩先？

等同我落街手痕搵幅牆寫“死八婆“，除非你自問係死八婆啦，
你見到係要對號入座要嬲我，我都冇你辦法！
大不了咪搞到市政走嚟話我塗鴉，
咁我咪唯有俾面個市政，抹咗佢囉！

women in a car

2007-07-03T00:49:00.000+08:00

styling by mabel chan

beauty

2007-07-03T00:47:00.000+08:00

styling by mabel chan

me & me !

2007-06-30T01:07:00.000+08:00

styling by catherine cheung

做兄弟

2007-06-17T22:38:00.000+08:00

十六號，一個相識十八年嘅中學同學大喜，
做兄弟，義無反顧，07起身直踩至01，
好眼瞓.......！

what the fucking shit work you're doing ?

2007-06-16T01:32:00.000+08:00

我知每個人嘅美術觸覺都好唔同，
有人高，有人低，有人好，有人差，
究竟係我嘅要求太高？
定係根本你自己老撚土？
我唔知！
我只知........
若果你係唔想做，或冇時間做嘅，
你可以出聲，我可以幫你做埋，
但唔好hea我！

colour

2007-06-14T23:58:00.000+08:00

styling by catherine cheung

reflector

2007-06-14T23:54:00.000+08:00

styling by catherine cheung

浴袍團開blog喇！

2007-06-13T03:40:00.000+08:00

歡迎各方好友上嚟留言，
blog址係..........
http://hk.myblog.yahoo.com/yuk_po_tuen

浴袍團打頭陣宣傳海報率先睇........

2007-06-11T01:29:00.000+08:00

07 最強新勢力..........we are......浴袍團

100蚊三隻好嘢！

2007-06-10T23:58:00.000+08:00

懷舊金曲不論廣東或歐西，
都係小弟之心頭好！
今日，
逛逛HMV，
發現有如此正嘢，
即跌一舊水！

你怕我怕個個怕，煙加酒加屋租加，
巴士加，的士加，多士芝士乜都加，
加，加，加，加，加，...............

WE ARE 浴袍團！

2007-06-09T20:59:00.001+08:00

５日４夜嘅菲律賓之旅終於完結，
亦完成咗１件好艱辛嘅任務，
成個人即刻散晒！
呢個trip雖然好辛苦，每晚都瞓唔超過３個鐘，
但真係好好玩同好開心，因為成班人都係傻嘅，
而最開心嘅就係組成咗一隊新組合........浴袍團！

trip to philippine

2007-06-04T02:43:00.000+08:00

我終於有得出trip喇！哈！
今次去我從未去過嘅菲律賓，
４號去，８號返，
希望一切順順利利啦！

YELLOW

2007-05-31T01:27:00.000+08:00

styling by catherine cheung

變態掟屎狂徒！

2007-05-29T00:58:00.000+08:00

我住嗰棟大廈發現變態掟屎狂徒！
好人好姐又點會掟屎落街呢？
貪玩都唔好搵屎嚟玩吖！
呢個世界真係乜人都有！

p.s.希望變態掟屎狂徒能夠早日收手啦！

我要日日撈粗嘢！

探母親。

茅盾叄拾肆

祝大家聖誕快樂！

聽歌啦~~~

Found

好笑~~

今晚又學識咗一樣嘢---「草泥馬」

生咗仔嘅請睇，未生仔嘅都請你睇一睇，打算生仔而又未生仔嘅就必定要睇！

酷玩~~Viva La Vida

煮嚟煮去都係嗰幾味~~

飲勝~~~！

raying across the.......

Quadrangle

keep out from rust~~~

新年煮煮煮~~

新年新玩具

創意無限！勁！

First fashion styling in 2009

Don't break my heart

poladroid

食宵夜~

Bored

back to nature

有關facebook上疑似本人已婚之回應。

請大家伸出援手！捐錢救救西貢貓！

Can you do that ?

喪的！哈哈哈.......！（誠意邀請好恨買iphone但又買不到的朋友收看）

rotting....

請勿在車廂內食屎，多謝合作！

冇嘢呀嘛？

係你成家人害死佢哋！

請珍惜食物和水

煮煮煮.......食食食.......

佛都有火！

技癢

柴灣冷血殺貓狂徒真面目，大家一起來聲討吧！

我有四億！

換燈啦，懶人~

呢班人渣！唔死都冇用！

淨係食個頭？

法律面前,窮人含撚！

山翠飯堂

新.......的.......

煮煮煮！

Tony Jaa 教泰文~要睇！要睇！

電車開得好鬼慢，夠晒時間食個飯！

對！緣份.......

好撚嬲！呢啲人渣，一定有報應㗎！（睇完會好撚嬲，請作好心理準備！）

dream.......

哈哈~！

開倉~！唔使錢任攞~！（派發期限已過期！請勿再問！）

有冇人搵到呢首歌隻CD？

有趣的日本保險公司廣告

鬼~其實冇乜好驚~！

今晚煮飯食！

幫吓手，做吓好心啦！

中秋快樂！

鼻哥俾面！

嘩~！屌吖~！

是時候把悲傷結束

嚇鬼呀？

支持走音王嘅，請嚟「睇~~」！

七夜怪談 - 貞子出古井

祝你愉快！

生財工具新動態

black without white

兩段好笑片段！

大水牛 VS 獅子王

開波喇喂！

不死唐朝

讀咁多書又有咩用？

超正 Music Video 必睇！正~！

禁 煙 、 禁 毒 ， 為 何 不 禁 酒 ？＜摘自30/7蘋果日報＞

皇上~~~~~！

夏日炎炎

祝你早日康服！

小白@浴袍團成為老闆喇！恭喜晒！

海洋公園遊

我唔該妳啦！咪再咁多事啦，關妳咩事啫？

禁煙、禁毒，為何不禁酒？＜摘自30/7蘋果日報＞